ذبانة سعود
اسمعوا هالقصه اللي اتمنى انها تروح في طي النسيان ولا تتذكرونها لأنها بالفعل قصه تحوم تسبدي في يوم من الايام كان فيه واحد هالواحد ؟ احس انكم بتنامون ...في يوم من الايام مرني صديقي سعود وقال نبي نروح نشتري خروف ..قلت له قدام يبو قال يالله سرينا المهم وصلنا سوق الخرفان ونزلنا وشرينا ذاك الهريفي و ركبناه في شنطة الفياقرا حق سعود .. والخروف يناظر فينا ولا قال شي حسيت في نظراته انه حزين الصراحه .. سعود الحقيقه اسود والرجال يحب ياكل بخاري كل يوم يمرني يوم علي العشا ويوم عليه واذا جا دوري في الحساب ودانا ستيك هاوس واذا جا دوره يودينا بخاري واذا قلت له ياخي خنروح لستيك هاوس ولا مطعم فخم قال ياخي حلى هو كل يوم ؟؟موب موضوعنا المهم بعد ما طلعنا من سوق الخرفان وحنا في الطريق نسولف الا فيه ذبانه في السياره وهالذبناه تدور على سعود شكلها طالعه معه من البيت تمون عليه .. عاد انا اسولف واذب ذيك الذبه الا سعود قام يضحك وفتح خشته بطريقه عجيبه يضحك وهو هذا طبعه اذا ضحك تحس انه فيه دزليب في وجهه ممكن وهو يضحك تشوف البنكرياس حقه وهو يضحك وانا اسولف وهو يضحك ونا اسولف وهو يضحك وانا اسولف ..شكلي طولتها المهم وانا اسولف الا الذبانه دخلت في الدزليب ؟؟ انا التزمت الصمت ..احتريه يلفظها ولا يزوع ولا اي شي المهم يتصرف ...الا الرجال ساكت ما ادري يبي يشوف انا شفته الذبانه يوم دخلت ولا ما شفتها يجس النبض على العموم هو حس اني انتبهت لدخول الذبانه .. قال وش فيك سكت يابوحمد ..قلت لا مافيه شي .. قال لا انا ادري وش فيك سكت كمل كمل راحت خلاص .. قلت وين راحت ؟؟ قال راحت وخلاص ياخي لا تدقق .. بيني وبينكم حسيت اني راكب مع ضفدع ..المهم تكهرب الجو وساد جو الصمت .. بديت اتخيل سعود يتحول الى ذبانه وقمت اتخيل واناظر ظهره الود الجناح وقلت اما لو يطلع له جناح الحين ويطير وحنا نمشي ميه وستين ويطلع مع الفتحه ويقعد يضحك علي وانا في السياره لحالي واصدم وهو مبسوط والخروف ورى مسكين ..المهم صحيت من اوهامي وساعتي يقول هاه ابوحمد مشينا ستيك هاوس (( اليوم دوري طبعا )) قلت يالله ( والله من النفس الصاحيه ) نزلنا وطلبنا وانا احس ان الذبانه عايشه الى الحين شهوة سعود تغيرت يقول ابي اي شي حالي ويوم جبنا ببسي قام يلحس الببسي من فوق واول ما اتحرك فجأه يخاف هو واذا شاف صيادة الذبان يوخر عنها .. الحقيقه انا استأت من الوضع .. جا الستيك وقام سعود ياكل فيه وفجأه وقف عن الاكل .. قلت ليه ما تاكل ياخي قال ياخي احس ان الذبانه تتحرك .. انا : افااااا .. قال اي والله قلت : طيب وبعدين خلاص?? يعني ما تاكل ..؟؟ قال : مابي ياخي خلنا نمشي .. قلت : ياخي كل موب علشانك علشان اللي في بطنك .. قال : قم.. قم لا اتوطى ببطنك .. قلت : يالله سرينا .. رحنا للمستشفى وكشفوا عليه وطلع لي الطبيب وقال شي غريب جدا .. انت ابوحمد قلت له ايه قال انت ولي امره قلت ايه اخلص هات اللي عندي .. قال : مبروك ( حسيت ان وده يقول انه جاك مولود مدري ليه ) انا : وشو عليه ؟؟ قال : طلعنا الذبانه والحمدلله حالتها طيبه عليها شوي صلصة ستيك بس الوضع طيب .. قلت : اهم شي سعود وشلونه تراه اهم من الذبانه قال لا الحمدلله وضعه مستقر ..الا دخلت على سعود وقبلت جبينه وقلت له الحمدلله على السلامه يا سعود قال : كل تبن واذا احد عرف هالسالفه قسم بالله ما تشوف خير والله لا العن اصلك .. قلت : افا عليك يبو حنا اخويا ولا تصدق اني بتكلم من وراك ..قال اشوى .. المهم وحنا نسولف في امور الحياة الا دخلت السستر ومعها كيسه فيها الذبانه بعد ما سوو لها عملية تنظيف وقصوا الحبل السري .. خذها سعود وقعد يناظر فيها.. وهي تناطره.. فتحنا الكيسه علشان تطير مره ثانيه ولكن ابت الا انها تقعد في حضن سعود .. الحقيقه انا حسيت برومانسية الموقف ودمعت عيني ..وسألت سعود وقلت له: بالله كيف احساس الام ؟؟قوبلت بالفاظ ما اقدر الا اقصها من القصه . رد علي وقال ( طووووووووووط يابن ال.. طوووووووووووط وقسم بالله ... طوووووووووووووط ) كان كلام الحقيقه جميل ,,طلعنا من المستشفى ورحنا البيت وعطيت ابوليل بعض العلاجات الشعبيه ليستعيد قواه ..المحزن في الموضوع اننا نسينا ( الخروف ) في الشنطه ..
معليش ابوبراهيم ادري ان الذبانه لا زالت موجوده في بطنك واعذرني على الاضافات تعرف خيالي واسع ..
اسمعوا هالقصه اللي اتمنى انها تروح في طي النسيان ولا تتذكرونها لأنها بالفعل قصه تحوم تسبدي في يوم من الايام كان فيه واحد هالواحد ؟ احس انكم بتنامون ...في يوم من الايام مرني صديقي سعود وقال نبي نروح نشتري خروف ..قلت له قدام يبو قال يالله سرينا المهم وصلنا سوق الخرفان ونزلنا وشرينا ذاك الهريفي و ركبناه في شنطة الفياقرا حق سعود .. والخروف يناظر فينا ولا قال شي حسيت في نظراته انه حزين الصراحه .. سعود الحقيقه اسود والرجال يحب ياكل بخاري كل يوم يمرني يوم علي العشا ويوم عليه واذا جا دوري في الحساب ودانا ستيك هاوس واذا جا دوره يودينا بخاري واذا قلت له ياخي خنروح لستيك هاوس ولا مطعم فخم قال ياخي حلى هو كل يوم ؟؟موب موضوعنا المهم بعد ما طلعنا من سوق الخرفان وحنا في الطريق نسولف الا فيه ذبانه في السياره وهالذبناه تدور على سعود شكلها طالعه معه من البيت تمون عليه .. عاد انا اسولف واذب ذيك الذبه الا سعود قام يضحك وفتح خشته بطريقه عجيبه يضحك وهو هذا طبعه اذا ضحك تحس انه فيه دزليب في وجهه ممكن وهو يضحك تشوف البنكرياس حقه وهو يضحك وانا اسولف وهو يضحك ونا اسولف وهو يضحك وانا اسولف ..شكلي طولتها المهم وانا اسولف الا الذبانه دخلت في الدزليب ؟؟ انا التزمت الصمت ..احتريه يلفظها ولا يزوع ولا اي شي المهم يتصرف ...الا الرجال ساكت ما ادري يبي يشوف انا شفته الذبانه يوم دخلت ولا ما شفتها يجس النبض على العموم هو حس اني انتبهت لدخول الذبانه .. قال وش فيك سكت يابوحمد ..قلت لا مافيه شي .. قال لا انا ادري وش فيك سكت كمل كمل راحت خلاص .. قلت وين راحت ؟؟ قال راحت وخلاص ياخي لا تدقق .. بيني وبينكم حسيت اني راكب مع ضفدع ..المهم تكهرب الجو وساد جو الصمت .. بديت اتخيل سعود يتحول الى ذبانه وقمت اتخيل واناظر ظهره الود الجناح وقلت اما لو يطلع له جناح الحين ويطير وحنا نمشي ميه وستين ويطلع مع الفتحه ويقعد يضحك علي وانا في السياره لحالي واصدم وهو مبسوط والخروف ورى مسكين ..المهم صحيت من اوهامي وساعتي يقول هاه ابوحمد مشينا ستيك هاوس (( اليوم دوري طبعا )) قلت يالله ( والله من النفس الصاحيه ) نزلنا وطلبنا وانا احس ان الذبانه عايشه الى الحين شهوة سعود تغيرت يقول ابي اي شي حالي ويوم جبنا ببسي قام يلحس الببسي من فوق واول ما اتحرك فجأه يخاف هو واذا شاف صيادة الذبان يوخر عنها .. الحقيقه انا استأت من الوضع .. جا الستيك وقام سعود ياكل فيه وفجأه وقف عن الاكل .. قلت ليه ما تاكل ياخي قال ياخي احس ان الذبانه تتحرك .. انا : افااااا .. قال اي والله قلت : طيب وبعدين خلاص?? يعني ما تاكل ..؟؟ قال : مابي ياخي خلنا نمشي .. قلت : ياخي كل موب علشانك علشان اللي في بطنك .. قال : قم.. قم لا اتوطى ببطنك .. قلت : يالله سرينا .. رحنا للمستشفى وكشفوا عليه وطلع لي الطبيب وقال شي غريب جدا .. انت ابوحمد قلت له ايه قال انت ولي امره قلت ايه اخلص هات اللي عندي .. قال : مبروك ( حسيت ان وده يقول انه جاك مولود مدري ليه ) انا : وشو عليه ؟؟ قال : طلعنا الذبانه والحمدلله حالتها طيبه عليها شوي صلصة ستيك بس الوضع طيب .. قلت : اهم شي سعود وشلونه تراه اهم من الذبانه قال لا الحمدلله وضعه مستقر ..الا دخلت على سعود وقبلت جبينه وقلت له الحمدلله على السلامه يا سعود قال : كل تبن واذا احد عرف هالسالفه قسم بالله ما تشوف خير والله لا العن اصلك .. قلت : افا عليك يبو حنا اخويا ولا تصدق اني بتكلم من وراك ..قال اشوى .. المهم وحنا نسولف في امور الحياة الا دخلت السستر ومعها كيسه فيها الذبانه بعد ما سوو لها عملية تنظيف وقصوا الحبل السري .. خذها سعود وقعد يناظر فيها.. وهي تناطره.. فتحنا الكيسه علشان تطير مره ثانيه ولكن ابت الا انها تقعد في حضن سعود .. الحقيقه انا حسيت برومانسية الموقف ودمعت عيني ..وسألت سعود وقلت له: بالله كيف احساس الام ؟؟قوبلت بالفاظ ما اقدر الا اقصها من القصه . رد علي وقال ( طووووووووووط يابن ال.. طوووووووووووط وقسم بالله ... طوووووووووووووط ) كان كلام الحقيقه جميل ,,طلعنا من المستشفى ورحنا البيت وعطيت ابوليل بعض العلاجات الشعبيه ليستعيد قواه ..المحزن في الموضوع اننا نسينا ( الخروف ) في الشنطه ..
معليش ابوبراهيم ادري ان الذبانه لا زالت موجوده في بطنك واعذرني على الاضافات تعرف خيالي واسع ..
